Павлодар облысында жұмыс сапарымен жүрген ҚМДБ, QAMQOR-SHARAPАТ орталығының директоры Мейрамбек Қабылбекұлы қабірстандарды цифраландыру бағытының негізгі жұмыстарын бастады. Алдымен Павлодар қаласындағы ең ескі, әрі ең үлкен Мойылды қабірстанында болып, аруақтарға Құран бағыштап, Елімізге, Отанымызға жақсылық, тыныштық тілеп бата жасалды.
Келесі кезекте аталмыш аруақтар мекенін цифраландыру платформасын жүктеп, 63 гектар қабірстанды қалалық мешіттердің «Еріктілер тобы»-на бөліп цифраландыру сілтемесіне жүктеуді қолға алды. Осы жолы Павлодар қаласына қарасты барлық қабірстандар және Ақсу қаласына тиісті қабірстандар да цифраландыру жүйесіне өтеді.
Келесі жылдан бастап барлық ауыл, аудандағы қабірстандар бұл жүйеге қамтылмақ.
