РАНТ мүшесі, Алматы облысы, Қарасай ауданының бас имамы Жандосұлы Дәуренбек қараша айының 17-19 күндері Павлодар облысында арнайы іссапармен болды.
Іс-сапарының алғашқы күнін қалалық «Ғазиз» мешітінде құптан намазынан кейін жамағатқа уағыз айтумен бастаған Жандосұлы Дәуренбек келесі күндерде Павлодар қаласы маңындағы №63 және №46 (СИЗО) түзеу мекемелерінде жазасын өтеушілермен кездесіп жат ағым, ақида, фиһқ, мұсылман әдебі т.с.с жан-жақты уағыздар айтты.
Келесі күндері Палодар қаласындағы «Әбу Бәкір Сыддық» медресе колледжі шәкірттерімен және Ақсу, Екібастұз қалалық мешіттерінде жамағатпен кездесулер өткізген уағызшы Жандосұлы Дәуренбек «Дін мен дәстүр», «Білім алудың маңыздылығы», «Абу зар әл Ғифари сахабаның оқиғасы» қатарлы басқа да имани тақырыптарды қамтып Ертіс-Баян өңірі жамағатына келелі насихаттарын жеткізді.
