Қасиетті жұма күні ҚМДБ, Павлодар облысы өкілдігіне қарасты мешіт имамдары арасында болған қызметтік өзгерістер мен тағайындауларды облыс бас имамы Бертымұратов Жолдас Қоспақұлы жамағатқа таныстырды.
ҚМДБ-ның төрағасы, Бас мүфтидің бұйрығымен және өз өтініші бойынша Павлодар қалалық «Ар рахман» мешітінде он жылға жуық имам болып істеген Ерлан Жексенбайұлы Астана қалалық «Шейх Хунта қажы» мешітіне наиб имам болып ауыстырылды.
Оның орнына Павлодар қаласы «Омар әл фаруқ» мешітінің имамы қызметін атқарып келген Кажуев Медет тағайындалды. Кажуев Медет Казаньдағы университетті бітірген, білімді, тәжірбелі имамдардың бірі.
Ал «Омар әл фаруқ» мешітіне имам болып Екібастұз қалалық мешітінің наиб имам қызметінде болған Қусайынов Төлеген тағайындалды.
