Павлодар облысының бас имамы Бертымұратов Жолдас Май ауданы және Ақсу аудандарында болып ауыл имамдарының кезекті жиналысына қатысты.
Жиналыста Қазақстан имамдары форумында қабылданған құжаттар талқыланды. Мұнда «Ислам және отбасы құндылығы», «Құдайы ас, ысырапқа жол бермеу тәртібі мен мәзірі» туралы имамдар кеңінен ой-пікір алмасты.
Екі ауданда да форумда қабылданған құжаттарды барынша халыққа жеткізу , таныстыру, насихаттау жұмысын пәрменді қолға алу ауыл имамдарына міндеттелді.
Әсіресе қонақасы, ас мәзірі бір тәртіпке келтіріп ысырапшылдыққа жол бермеу талабы орындалса нұрдың үстіне нұр болатыны айтылды.
