Өкіл имам Бертымұратов Жолдас шетелдерден келіп Павлодар қаласындағы ЖОО-да оқып жатқан ұлты қазақ студент-жастармен кездесті.
Шараны «Отандастар» қоры ұйымдастырды.
Кездесуде облыстық дін істер басқармасының басшысы Балтабай Маданиұлы Қаппасов және «Отандастар» қорының қызметкері Болат Зауыт болды.
Жолдас Қоспақұлы ұлты қазақ студент-жастардың тәрбиесі, елімізге деген көзқарасы қалай болуы керек екендігі туралы айта келе, еліміздегі және облысымыздағы дін жағдайы туралы кеңінен түсініктеме берді.
Бас имам өз сөзінде, елімізде және Павлодар облысындағы мешіттер мен медреселер, дәстүрлі ислам діні туралы түсінік, діни білімді неліктен мешіттен алу керек екені туралы талдап-талқылап айта келе, адамға зиян беретін лудомания, игромания т.б әртүрлі көлеңкелі әрекеттерден ерекше сақ болу керектігін студент-жастарға арнайы ескертті.
