Бүгін Павлодар облысының бас имамы Жолдас қажы Қоспақұлы қалалық «Ақмешіт» мешітінің бас имамы Клышев Әбілқайырмен бірге арнайы Павлодар ауданына қарасты бірнеше ауыл мешітінде болып, тұрмыс-тіршілігімен танысып, ауыл жамағатымен кездесіп қайтты.
Алдымен Набережный аулындағы «Нұржаусын» мешітінде болған өкіл имам жиналған жамағатқа «Ислам және отбасы құндылығы» туралы жан-жақты түсініктемелер айтып, сұрақтарға жауап берді
Екінші кезекте Чернорецк ауылы, «Әбу Шахман» мешітінде болып ҚМДБ-ның іс-қызметтерінде алға қоятын басты төрт бағыт туралы жан-жақты кеңінен түсіндіріп, ауыл азаматтарын, жастарды жат ағымдар жетегінен сақ болуы туралы насихаттар айтты.
Өкіл имамның іс-сапарының соңында Жамбыл ауылы мешітінде болды. Ол жерде ауыл халқымен бірге сенмбілікке қатысты. Соңында жиналған жамағатқа және ауыл тұрғындарына ҚМДБ-ның негізігі бағыттпары туралы түсіндірді.
Бұл жұмыстар арықарай өзінің жалғасын табатын болады.
