Бүгін ҚМДБ-ның Павлодар қалалық «Darhan Dala Travel» отандық туризм бөлімінің ұйытқы болуымен өңірдің киелі орындарына зиярат ету ұйымдастырылды. Арнайы зияратқа “Ғазиз” мешітінің бас имамы Қуаныш Рүстемұлы мен Қасымов Нұржан Қалмышұлы бастаған имамдар мен мешіт жамағаты арнайы тарауих намазында хатым өткізуге келген Жаңабайұлы Жанахмет қариды құрметтеу мақсатында ұйымдастырды. Ұйымдастырылған саяхат барысында Баянауылда орналасқан Мәшһүр Жүсіп атамыздың кесенесіне зиярат етілді. Мұнымен қатар, қарекеміз арнайы оқыған Хатым Құран киелі жерде бабалар рухына бағышталды.
