ҚМДБ, Павлодар облысы өкілдігі имамдарға және дін қызметкерлеріне форумдарда қабылданған құжаттарды таныстыру семинарын ұйымдастырды.
«Жалпы ҚМДБ-ы Республикалық имамдар форумын 6 рет ұйымдастырып өткізді. Осы форумдарда қабылданған құжаттардың барлығы да біз үшін өте маңызды. Сондықтан ай сайын осы құжаттар туралы дөңгелек үстел, семинарлар өткізіп тұрамыз. Сол арқылы халыққа таныстыру және дін қызметкерлеріне түсіндіру жұмыстары жүргізіледі.
Соңғы ҚМДБ, Республикалық YI форумда «Қазақ Халқының дәстүрі және исламдағы отбасы құндылығы» тұғырнамасы, «Құдайы ас берудегі ысырапқа жол бермеу, тәртібі мен мәзірі» қатарлы құжаттар қабылданған болатын. Осы семинарда аталмыш құжаттарды қала, аудан имамдарына арнайы түсіндіру жұмысы жүрілді. Келесі кезекте бұл шаралар аудандарда жалғасын табатын болады»-дейді облыс бас имамы Жолдас Қоспақұлы.
