Павлодар облысының бас имамы Жұманазар Садырханов Екібастұз ауданында арнайы іс-сапармен барды.
Бас имам Жұманазар Өсерханұлын осы сапарында Екібастұз қалалық мешітінің бас имамы Омаров Нұрсейт және Екібастұз ауданына қарасты қала, ауыл мешіттерінің имамдары, қалалық мешіттің дін қызметкерлері қарсы алып, кездесу өткізді. Кездесуде облыс бас имамы қала, ауыл мешітінің жай-күйі (мешіт құрылысы, сиымдылығы, жамағаты, шәкірттері т.б) -мен туралы толық мағлұматтар алып, әр имамның жеке басымен таныса келе олармен алдағы уақытта бірлесіп асыл дінімізді көркейту жолында көп жұмыстар атқаратынына сенім білдірді.
Келесі кезекте бас имам бесін намазына қатысып, жиналған жамағатқа уағыз айтты. Намаздан соң Екібастұз қаласындағы студенттерге арналған «Ибраев Хамид» атындағы муфтият жатаханасы және т.б нысандармен танысты.
