ҚМДБ-нан бекітілген «Ислам және дәстүр құндылығы» жобасы аясында ауыл мешіттерінің ұйымдастыруымен ұлттық дәстүрге сай әртүрлі іс-шаралар көптеп ұйымдастырылуда. Солардың бірі Ертіс ауданының Ағашорын, Қызылжар, Амангелді, Сілеті ауыл мешіттерінің бірлесіп ұйымдастыруымен жасөспірімдер арасына қазақша күрестен турнир ұйымдастырылып, орын иеленген палуандарға сый-сияпаттар көрсетілді.
Күреске әр салмақта әр ауылдан палуандар толық қатысты. Іс-шара қызу қарқында қызықты да бәсекеге толы болып өтті. Шараның ұйымдастырылып өтуіне жағдай жасап қол созып, демеушілік көрсеткен ауыл азаматтары мен кәсіпкерлеріне алғыс айтамыз-деп хабарлайды Ертіс ауданы «Ағашорын» мешітінің имамы Кәкимов Амантай Асқарұлы.
