Кімде-кім таң намазын уақытында оқи алмаса, сол күні күн шыққан (және кәраһәт уақыты шыққан) соң таң намазының парызы мен сүннетін бірге қаза ретінде орындайды.
Ал біреу таң намазын оқу үшін мешітке барғанда парыздың басталып кеткенін көріп, имамның сәлемінен бұрын жамағатқа жетіп үлгеретінін ойласа, әуелі екі ракағат сүннетті оқиды, сосын имамға ұяды.
Ал имамның сәлемінен бұрын жамағатқа жете алмайтын болса, бірден имамға ұяды. Өйткені жамағаттың ізгілігі артығырақ.
Парызды оқыған соң қаза ету ниетімен сүннетті бастап артынан бұзу болса, шариғатта жағымды саналмайды.
