Жан қайда әділетті іздейтұғын,
Адамшылық атақты көздейтұғын.
Тірлік пен өлген күнді бірдей ойлап,
Екі жайдан күдерді үзбейтұғын.
Арамға азғырғанды сезбейтұғын.
Арам ойдыңқиялын кезбейтұғын.
Көріне шайтан келіп азғырса да,
Адамдық ар-иманнан безбейтұғын.
Нашарды, момындарды езбейтұғын.
Арамдық теңізіне жүзбейтұғын.
Айтылған уағданы берік ұстап,
Айныма, мылжың сөзді езбейтұғын.
Бағалап «алтын», «күміс», «жез» дейтұғын,
Байлаулы соңың сөзі-сөз дейтұғын,
Айтқаны, істегені ақтық жолы,
Құрулы елде әділ тез дейтұғын...
