Бүгін ҚМДБ, Павлодар облысына қарасты қала, аудан имамдарының жиналысы өтті. Орталық «Мәшһүр Жүсіп» мешітінде өткен жиналыс алдымен Құран оқылып, дұға жасалумен басталды.
Келесі кезекте облыс бас имамы Жолдас Қоспақұлы 2024 жылы өкілдіктің ҚМДБ-нан бекітілген 5 бағыт бойынша атқарған жұмыстары, олардың еліміз көлеміндегі деңгейі қаншалықты болғаны туралы егжей-тегжейлі таныстырды.
Жиналысқа облыстық дін істері басқармасының басшысы Балтабай Мәдениұлы қатысып, қазіргі облыстық діни ахуал туралы айтып, имамдармен кейбір жұмыс бағыттары туралы ойларын бөлісті.
Арықарай ҚМДБ-нан 2025 жылы бекітілген іс-қызметтің 4 бағыты, «Ислам және отбасы құндылығы» жылы болып жарияланғаны туралы кеңінен айтылып, осы 4 бағытқа жауапты болған мамандар биылғы жылы атқарылатын жұмыс кестесін таныстырып, тапсырмалар берілді.
Соңында 2024 жылы үздік болған қала, аудан, ауыл мешіттері және дін қызметкерлері (имам, наибимам, ұстаз, азаншы, дін қызметшілері ) марапатталды.
