Павлодар қаласында орналасқан «Мадлена» кондитерлік тәттілік өнімдерін шығаратын дүкеніне ҚМДБ-ның «Халал Даму» орталығының халал сертификаты табысталды.
Сертификат арқылы аталмыш кәсіпорынның өнімдерінде шариғат тиым салған заттар қоспасы жоқ екеніне, тазалығына кепілдік берілді.
Бұл туралы облыс бас имамы Жолдас қажы Қоспақұлы «Мәшһүр Жүсіп» орталық мешітінде жұма намазына жиналған жамағаттың алдында таныстырып, ұжым еңбегіне береке, ынтымақ, табыс тілеп, сертификатын апарып табыстады.
Бұл бағытта атқарылып жатқан жұмыстар әлі де жалғасын таба беретін болады.
