Өткен жексембі күні Екібастұз қалалық мешітінде және ауданға қарасты барлық ауылдық мешіттерде жаппай сенбілік өтті.
Шараның басты мақсаты:
- «Тазалық – иманның жартысы» қағидасын ұстану;
- Қоршаған ортаны қорғау және айналаны абаттандыру;
- Жастарды табиғатты аялауға баулу.
Сенбілік барысында мешіт ұжымы мен жамағаты аулаларды қоқыстан тазартып, ағаш отырғызу жұмыстарына атсалысты. Бұл игі шара мұсылман қауымы үшін қоршаған ортаға ұқыпты қараудың жарқын үлгісі болды.
Әрбір мұсылманның міндеті — тазалықты сақтап, табиғатты аялау арқылы қоғамға пайда тигізу болмақ.
