Пайғамбарымыз (с.а.у.) былай деді: «Алла Тағаладан пайдалы білім сұраңдар. Пайдасыз білімнен Аллаға сыйыныңдар». (Сүнән ибн Мажа)
Ілімдердің ең пайдалысы пенденің дініне және өміріне қатысты міндеттерді білуі.
• Ықылассыздық пен күдік, шүбәнің орны - дүние досының жүрегінде. Зікір мен Алла Тағалаға жақындаудың орны - білімділердің жүрегінде.
• Алладан қорқу рухани қамшы, ол адамды құлшылыққа итермелеп, қарсылық, бүліктен сақтандырады.
• Өзін айырықша санап, биік көретін адам Алла Тағаланы танудың ауылынан алыста.
• Адал адам аманшылық пен ізгілікті тек Жаратқаннан күтеді.
• Ер жігіт дегеніміз, адамдармен қарым-қатынасында Құдіретті Алланы естен шығармайды. Пенделердің өзіне жасаған жақсылықты көреді, жамандықты байқамайды/байқамаған болады.
• Істеген ісін бір Алланың ризашылығы үшін орындаған адам екіжүзділікке ұрынбайды.
• Мұқтаждығын жұртқа айтып үнемі шағымданып жүретіндердің қадірі болмайды, ал білдірмей жүретіндер Алла Тағала мен жұрт назарында қадірлі.
• Хақ жолдан адасудың себебі, мақсатқа жеткізетін жолбасшыға ермей, өз білгенімен әрекет етуде.
• Адамдармен тіл табысқыш, насихат тыңдайтын адам ең мәртебелі дәрежеге жетеді.
• Жеткілікті ілім, білім үйрене алмадым қапа болу жетілудің/өсудің белгісі.
• Нәпсінің жаулығынан Алла Тағалаға сыйынбаған адам нәпсінің құлына айналады.
• Тәннің диетасы ағзалардың Алла Тағаланың бұйрығына бас июі арқылы жүзеге асады; жүректің диетасы оның Алладан басқаға бейім болмауында; нәпсінің диетасы Алланың әмірлеріне қарсы шықпауда.