Меккеде алғаш түскен сүрелердің бірі һәм бірегейі, 4 аяттан тұрады. Атауы мазмұнына байланысты қойылған. Сондай-ақ, мазмұнына байланысты «таухид» сүресі деп те аталған.
Ардақты Пайғамбарымыз (с.ғ.с.): «Кімде-кім «куль һуә Аллаһу ахад» сүресін оқыса, Құранның үштен бірін оқығандай болады», - деген.
Бисмиллаһир-рахманир-рахим. «Қул һуАллаһу әхад, Аллаһус-самад, ләм иәлид уә ләм юуләд, уә ләм иәкул-ләһу куфуан әхад».
Мағынасы:
- (Оларға) айт: Ол Алла жалғыз (Құдай)!
- Алла – Самад (ешкімге және ешнәрсеге мұқтаж емес, керісінше, күллі жаратылыс Оған мұқтаж)!
- Ол тумаған да, туылмаған!
- Сондай-ақ Оған тең келер ешкім жоқ!