САУАП ЖИЮ
САУАП   ЖИЮ
21.02.2020 13:29
323
0

                Көпшілік   Аллаға  сенгенімен   намаз  оқымайды,  жасқанады,  ұялады,  жүрексінеді.   Әрине,  үйде  кітаптар  арқылы үйреніп  жаттығу  керек.  Мұсылман  діни  кітаптары қазіргі  таңда  жеткілікті.   Сауаптың   негізі  Алла Тағалаға  шын   ниетіңмен, жүрекпен   сену.  Еш күпіршіліксіз   бір  Алла   Тағалаға   сенуден сауап басталады.  Суды  ысырап  қылмау,  ол да   сауап.  Хадисте: - «Дәрет  алғанда  суды  ысырап  қылмаңдар» - деген.       

 Келесі кезекте  жетім,  жесірлерге садақа беру де үлкен сауап болмақ. Пайғамбарымыз   Мұхаммед  (с.а.с.): -   «Садақа  жамандықтың  жетпіс  есігі  жабады»,  «Садақаны   денің  сау  кезінде  беру  керек,  жаның   қысылған  кезде  емес»,  «Машруқ  майданда,  күн  шыжып   тұрғанда,  садақа  көлеңке  болып  тұрады».- деген.                                                                                                          

Пітір  садақа -  (Закят- уль  фитр): - хадисте: - «Ұстаған  оразаң  жермен  көктің   арасында  тұрады, пітір  садақасын  бергеннен  соң  көкке  көтеріліп  қабыл  алатын  жерге  барады», - деген.  Пітір  бермеген   кісінің   тілегі  де  жермен  көктің  арасында   тұрады. Пітірді жетім-жесір,  мүгедек,  тұрмыс  жағдайы   нашар   кісілерге  берген   дұрыс.                                                                            

Хадисте: «Кімде  кім  жаназаға  қатысса,   оған  бір  қират* (сауап  беріледі»,-деген. (Кират –Ухуд  тауының  үлкендігіндей).                                            

Дені  сау  кісі  ораза  ұстау  парыз.   Үлкен  сауап.  Хадисте: - «Раджаб  айында  8  күн  ораза  тұтқан  кісіге,  «Алла  Тағала,  жұмақ  есігін  ашады», -деген.        

 Хадисте: «Сауап  істерің  Шағбан  айында  700  ретке   көбйеді».  Ауыз  бекітуге  өте  бағалы,  айдың  ақырғы   дүйсенбісі    мен,  15-ші  күні...   Бұл  айда  барлық  игілікті  істер  Раббымызға  көтеріледі»- деген.      

Рамазан  айында   Құран  түсе  бастаған.   Алла  Тағала  бізге,  мұсылмандарға,  ауыз  бекітіп,  ораза  ұстауды  парыз  етілген   ай.   Хадисте:  «Ақыр  заманда,  Алла   Тағаланың  сұрағында,  таразда,   күнә   жағы  басып   бара   жатса,  Құран,  Намаз,  Ораза  ара  түсіп   бұл  Мұсылманды   жұмаққа   жолда», - деп  жалынады  екен.    

Шәуаал  айында,   хадисте: -  «Кім  де   кім,  Рамазан   айында   оразаны  толық   ұстаса,   шәуаал   айында   6 –күн   ауыз   бекітсе,   ол   өмір   бақи   ораза  ұстағанға  тең», - деген.                                       

  Тәсбих    айту:  Субханаллаһ -  Алла   пәк.       33 – рет   тартасың,    33 – сауап.             

Әлхамду   лиллһ -  Аллаға   мадақ.       33 – рет         33 – сауап.              

  Аллаһу   әкбар -  Алла  ұлы.                   33 – рет         33 – сауап.                  

 Лә  иләһә  илләллаһ , Мұаммадун   Рассулаллаһ  -33 сауап.

 Құранда:- «Жақсылық  жасаймын  деп  ойласаң –бір  сауап,  егер  істесең  10- сауап.  Біреуге  жамадық  ойласаң,   күнә  жоқ,  егер  іске асырсаң  1- күнә».   Бұл Алла   Тағаланың   пенделеріне  мейірімдік  пен  қарағаны.

     Құранда:  Әль-Бақара  сүресінде,   286  аятында.  «Алла  Тағала  пендесіне  шамасы  келетін  істі  ғана  жүктейді», - деген.     Ар –Рағд-сүресінде,  37  аятта  «Біз  бұрынғы  кітаптарды  түсіргендей,  Құранды  таза  араб  тілінде   үгіт – насихат  үшін  түсірдік»- деген. Сондықтан  Құранды,  арабша  оқу  білмесең,  қазақшаға,  не  орысша  аударғанды  оқу   керек.  Ғалымдардың пәтуасы   бойынша,  намаз,  Құран  бағыштау және біраз дұғалар  араб  тілінде  оқылады.

Заманақырда  Алланың   алдына иман таразыға  барғанда, тамұқты  көріп,  күнәкәрлар: «Бізге  неге  мынадай  михнат  бар  деп  айтпадыңдар»,- дейді  екен.  Алла  Тағала: -«Біз   кітаптар   түсірдік,   Пайғамбарлар  жібердік,   неге  оқымадыңдар, неге Пайғамбарды тыңдамадыңдар», дегенде, күнәкәрлар үнсіз  қалады екен.

Ағайын,   ақырет  күнінде  өкініште  қалмау  үшін  уақыт  өткізбей сауап  жинауға асығайық!                                                                                                                                                                                                                                                                                                                                                                                                             ЖАҢАБАЕВ  Мұқхмедқалы Исағұлұлы

    (Павлодар  қаласы)                                                                                            

                                                                                                                                                                                                                                                                                                       

0 пікір