Пайғамбарымыз (с.а.у.) былай дейді: «Кімде-кім, Ашура күні бала-шағасына жомарт болса, Алла Тағала жылдың барлығында оған ризық кеңдігі береді». (Суюти, «әл-Жамиғ ус-Сағир»)
Mұхаррам айының оныншы күні – Ашура. Ашура күнінде ерекше айтулы, әрі маңызды оқиғалар болған. Фақиһ Әбу Ләйс Самарқанди (рах.) айтуы бойынша, Ашура күні болған оқиғалардың кейбірі мыналар:
Жер мен көктер жаратылған;
Адам пайғамбардың тәубесі қабыл болған;
Mұса пайғамбар Перғауынның қолынан құтылған және Перғауын суға ағып өледі;
Ибраһим пайғамбар дүниеге келген және оттан құтылған;
Аюб пайғамбардың дертіне дауа табылған;
Юнус пайғамбар киттің/балықтың ішінен аман шыққан,
Сүлеймен пайғамбарға салтанат/билік берілген;
Нұһ пайғамбардың кемесі Жуди тауының басына тоқтаған;
Хусейн (р.a.) шәйт болған күні де ашура күні болатын.
Қияметтің ашура күні болатыны да. хадисте айтылған. («Дұға және ғибадаттар»)