Бірде пайғамбарымыз Мұхаммедке (с.ғ.с) бір кісі келіп:
«Уа, Алланың елшісі! Мен сізден қандай амал жасау арқылы ізгілікке қол жеткізетіндігімді сұрау үшін келдім», - деді.
Пайғамбарымыз (с.ғ.с) оған: «Сұрақтарыңды қой мен жауап берейін», - деді. Сұрақ қоюшы көкейіндегі сұрақтарын қойды, Пайғамбарымыз (с.ғ.с) төмендегі жауапты берді:
- Адамдардың арасындағы ең білімді болғым келеді?
- Алладан шынайы қорық, адамдардың ең білімдісі боласың.
- Адамдардың ең байы болғым келеді?
- Алланың бергеніне шүкіршілік ет, адамдардың ең байы боласың.
- Ең әділетті адам болғым келеді?
- Өзіңе қалаған нәрсені өзгеге де қала, адамдардың ең әділі боласың.
- Адамдардың ең жомарты болғым келеді?
- Адамдарға пайда тигізуші бол, адамдардың ең жомарты боласың.
- Алланың ең сүйікті құлы болғым келеді?
- Сен Алланы көп еске ал, ең сүйікті құлдардан боласың..."деді.
Алла Тағала баршамызды шүкіршілік етуші құлдардан болуды нәсіп етсін!...