Уақыт – адамның қолындағы аса құнды байлық. Оны қалай, қайда жұмсайтыны әркімнің өз қолында.
Қасиетті Құранда: «Бір іс біткенде дереу екінші іске кіріс, сонымен айналыс, Раббыңа, Оның разылығына қарай ұмтыл!», – делінген («Инширах» сүресі, 7-8-аят).
Пайғамбарымыз (с.ғ.с.) бір хадисінде: «Екі нығмет бар, адамдардың көпшілігі бұл екеуініңқадір-қасиетін білмей опық жеп қор болады. Біріншісі – денсаулық, ал екіншісі – бос уақыт», - деген. (Бұхари, Риқақ, 1)
Алпыс жыл өмір сүрген кісі күніне сегіз сағат ұйықтаса, бір жылда 2920 сағат ұйықтайды, яғни 121.1 күн деген сөз. Өмірінің үштен бірі. Ұйқыдан артылған қырық жыл қалды, соның тамақ жеуге 4 жылы, автобус күтуге 5 айы, лифтіде 3 айы, тіс тазалауға 3 айы, бағдаршамда 1 айы, аяқ киім киюге 8 күні кетеді екен.
«Уақытым жоқ», «үлгере алмадым» демес үшін сіздерге уақытты үнемдеудің тиімді жолдарын ұсынамыз:
1. Интернет, әлеуметтік желілілердің, теледидардың сізді басқаруына жол бермеңіз.
2. Ұйқы уақытын реттеңіз.
3. Ертеңгі күніңізге алдын-ала әрі нақты жоспар жасаңыз.
4. Алдыңызға мақсат қойыңыз.
5. Кез-келген істі аяқсыз қалдырмаңыз.
6. Болмашы істерге қымбат уақытыңызды бөлмеңіз! Cебебі Құранда: «Олар бос және пайдасыз істерден аулақ жүреді» делінген («Муминун» сүресі, 3-аят).
7. Бос минуттарыңызды бағалаңыз! Қолыңыз қалт етсе уақытыңызды Құран оқуға, дұға жасауға т.с.с. пайдалы істерге жұмсаңыз.
8. Жылдамдық – уақытты үнемдеудің бір тәсілі.