СЕН ЖОЛҒА ШЫҚ, ЖОЛ САҒАН КӨРІНЕР (Мәулананың 21 ережесіне сүйеніп жазылған)
СЕН ЖОЛҒА ШЫҚ, ЖОЛ САҒАН КӨРІНЕР (Мәулананың 21 ережесіне сүйеніп жазылған)
07.12.2022 11:21
1788
0

1. Іздегенмен табылмас, бірақ тапқандар үнемі іздегендер.

2. Әр нәрсе уақытын күтеді.

Не гүл уақытынан бұрын гүл ашпайды, не күн уақытынан бұрын шықпайды.

Кішкене сабыр ет,

сенікі болған саған келеді.

3. Егер Құдай бұйыртып тұрса ел әкелер, жел әкелер, сел әкелер. Егер Құдай бұйыртпаса ел әкетер, жел әкетер, сел әкетер!

(Kısmet etmişse Mevla, el getirir, yel getirir, sel getirir. Kısmet etmemişse Mevla el götürür, yel götürür, sel götürür)

4. Есіңде болсын Бәрі бітті деп ойлап, сенің төзетін хәлің қалмағанда бас тартушы болма. Өйткені бұл сенің тағдырыңның өзгеретін жері.

5. Сенім арту сүйе білуден де маңызды. Өйткені сүйіспеншілік бар жерде сенім бар, бірақ сенім жоқ жерде сүйю жетпейді.

6. Өскіннің әдемілігі тұқымның жақсы болуынан, адамның сұлулығы жүректің жақсылығынан келеді.

7. Сабыр деген сондай арқан, үзіледі-деп ойлайсың ол күшейеді, бітеді- деп ойлайсың, одан сайын нығаяды.

(sabır öyle bir iptir ki sen kopacak sanırsın o gittikçe güçlenir sen bitecek sanırsın o gittikçe çoğalır.)

8. Әр оқиғаны хайыры деп біл, әр жолаушыны Хызыр деп біл, әр түнді Қадыр түні деп біл.

9. Құрғақ дұғаны таста, ағашты қалаған тұқым егеді.

10. Кешегі болғанның бәрі кешегі күнге қалады.

Бүгін біз жаңа нәрсе айтуымыз керек.

(Düne ait ne varsa dünde kaldı cancağızım. Bugün yeni şeyler söylemek lazım)

11. Ренжіту мен тарылу үшін сылтау іздеудің орнына, сүюдің және сүйікті болудың жолдарын іздеңіз.

(Küsmek ve darılmak için bahaneler aramak yerine sevmek ve sevilmek için çareler arayın)

12. Сен жолға шық, жол саған көрінер.

13. Жүзіңнен ай шықпаса, терезеңе күн соқпаса Күннен де, айдан да іздеме. Көзіңнен пердені аш.

(Ay Doğmuyorsa yüzüne, güneş vurmuyorsa pencerene Kabahati ne güneşte ne de ayda ara. Gözlerindeki perdeyi arala)

14. Өкпе жел сияқты, біраз уақыттан соң басылады, бірақ көп тал сынып қалады.

15. Ертең жасаймын деме, бүгін де кешенің ертеңі.

16. Бір сәт күт, соңына қара ұмытқандарыңды еске ал, жоғалтсаң ізде, сындырсаң кешірім сұра өйткені өмір қысқа.

17. Бір тілде сөйлегендер емес, бір сезімді бөліскендер түсінесер.

18. Егер сіз күлге оралған болсаңыз, қайтадан раушан гүліне айналуды күтіңіз және өткенде қанша рет күлге айналғаныңызды емес, жаңа раушанға айналу үшін күлден қанша рет көтерілгеніңізді есте сақтаңыз.

(Küle Döndüysen yeniden güle dönmeyi bekle ve geçmişte kaç kere küle dönüştüğünü değil kaç kere yeniden küllerinin arasından doğrulup yeni bir Gül olduğunu hatırla.)

19. Раушан гүлді ойласаң, Гүлістан боласың, тікенді ойласаң, тікен боласың.

(Gül düşünür Gülistan olursun diken düşünür dikenlik olursun.)

20. Адамдар да кітап секілді мұқабасына қарап алданба шындығын ішін оқығанда түсінесің.

21. Нені іздесең сол сенсің.

 

Аударған Ләззат Мырзаш

 

 

0 пікір