Кейде намаз оқу үстінде жағымсыз ойлардың бізге кедергі келтіруі мүмкін. Сондай сәттерде не істеуге болады?

        Бұл сұраққа дін өкілдері былай жауап береді: «Намаз оқып жатқан кезде жаман ойлар келсе, «Ағузу биллаhи минаш-шайтанир-ражим»-ді айтып, сол иығыңыздан үш рет түкіріп, намазыңызды жалғастырыңыз».

      Бір күні Абу Ас: «Уа, Алла елшісі! Шайтан маған намаз бен Құран оқыған сәтімде кедергі келтіреді, мені ылғи шатастырады» дейді. Сонда Пайғамбарымыз (с.ғ.с.): «Ол Хинзаб атты шайтан. Оның жаныңда екенін сезінсең, Алладан одан өзіңді қорғауын сұра да, сол иығыңа үш рет түкір» депті.

       Ал енді дәрігерлер бұл жайлы не дейді екен? Құлақ түрейік:

       Жүйкеміздің күңгірт тұсы жаман ойлар мен елестерді тудырады. Оған келесі факторлар себеп:

       - дұрыс тамақтанбау (ащы шай мен кофені, тәттіні көп пайдалану);

       - бауырдың ауыруы;

       - денеміздегі шлактар мен паразиттер;

       - бала кезде алған «жүйке зақымы»;

       - бас сүйек ішіндегі қан қысымы;

       - ішкі күйзеліс, өз-өзіне көңілтолмаушылық, сенімсіздік, мақсаттардың орындалмауы.

       Психологтар жаман ойлардан арылу үшін салауатты өмір салтын ұстанып, дұрыс тамақтануға кеңес береді. Ал үнемі жағымсыз ойларда жүру -   жүйке жүйесінің  ауытқуына әкеп соғып, түрлі психикалық ауруларға жол ашатынын айтады.

       Ең бастысы – жиі дұға етіп, намаздағы ықыласыңызды арттырғаныңыз жөн.

 Ұқсас материалдар