Адам баласы шынайы ықыласпен құрбан шалса, ақыретте жүзі жарқын болып, Раббысының разылығын алады.
       Пайғамбарымыз (с.ғ.с.) Алла разылығы үшін шалынған құрбанның әрбір қылы үшін сауап бар екенін айтып, былай сүйіншілеген:
«Бірде сахабалар:
-         Уа, Алланың елшісі, құрбандық деген не? - деп сұрақ қояды.
-         Құрбандық – сендердің Ибраһим (ғ.с.) бабаларыңнан қалған сүннет.
-         Одан бізге қандай сауап бар?
-         Әрбір тал қылшығы үшін сауап аласыңдар.
-         Қойдың жүнінен ше?
-         Қойдың жүнінің әрбір тал қылшығына да сауап жазылады», -деп түсіндіреді (Ибн Мажә, Сауабул-адахи, 3118).