ӘЙЕЛДЕР ОРАЗА АЙТ КҮНІ НЕ ІСТЕУІ КЕРЕК?
ӘЙЕЛДЕР ОРАЗА АЙТ КҮНІ НЕ ІСТЕУІ КЕРЕК?
06.05.2021 10:16
737
0

  Ораза айты аса маңызды мейрам болғандықтан оған ерекше дайындық жасаған жөн, әсіресе әйел кісілер. Ол қандай дайындық?

–       Ең алдымен үйіңізді тазалап, ретке келтіріңіз;

–       сол күні әдеттегіден ертерек тұрып, әзірлікке кірісіңіз. Қонақ бөлмеден бастап аулаңызға дейін мұнтаздай таза тұрсын;

–       сосын дастарханыңызға қояр тәттілеріңіз бен дәм-тұзыңызды әзірлеп қойыңыз;

–       келген қонақтарды жылы жүзбен күтіп алып, қолыңыздағы барыңызды алдына қойып бар ықыласыңызбен шығарып салсаңыз, міне, мұндай әйелге қонақтар да, еріңіз де разы болмақ;

–       есіңізде ме, кезінде апа-әжелеріміз ер адамдар Айт намазынан келгенше самауырды қайнатып, дастарханды жайнатып айтшыларды қарсы алуға бар дайындығын жасап қоятын;

–       ескере кететін жәйт, сол күні қонақтар келмес бұрын үй шаруасымен жүріп өзіңізге көңіл бөлуді ұмытып кетпеңіз. Киіміңіз таза болсын;

–       балаларыңыз бен жұбайыңыздың киімдерін де бір күн бұрын дайындап қойыңыз;

–       балаларыңызға мейлінше көп көңіл бөліп, оларға сый-сыяпат жасаңыз. Қуантыңыз. Осындай маңызы зор мерекені тойлауды басты міндетім деп біліңіз, балаларыңызға да мереке жайлы айтқаныңыз дұрыс;

–       отбасыңызда Ораза айты жыл сайын асыға күтетін мейрам болғаны құба-құп.

 

0 пікір