Пе­ріш­те­лер – нұр­дан жа­ра­тыл­ған ру­ха­ни бол­мыс. Пе­ріш­те­лер адам­нан бұ­рын жа­ра­тыл­ған. Олар­дың өзде­рі­не тән де­не­ле­рі бар. Олар адам­дар се­кіл­ді ішіп-жеуге, ұр­пақ көбейтіп, кө­беюге, шар­шап-шал­ды­ғып, ұйық­тауға мұқ­таж емес. Жы­ныс­қа бө­лін­бейді. Қыз­ға­ну, ашу­ла­ну, рен­жу, тә­кап­пар­ла­ну сияқ­ты жа­ман си­пат­тар олар­дың пәк дү­ниесі­нен ау­лақ.
      Атомдардың қозғалысын реттеп, әрбір жаңбыр тамшысын жерге алып түсетін, метеорит, жер шары, жұлдыздар, аспан жүйелері мен галактикалардың қозғалысын, бүкіл табиғат құбылыстарын бақылайтын, оларды қадағалап отыратын, жаратылыс әлемінің атомдары санына тең періштелер де бар.
      Олар үне­мі Ұлы Жа­ра­ту­шы­ла­ры­на ғи­ба­дат жа­сай­ды. Ғи­ба­дат – олар­дың қо­ре­гі. Олар Алланың бұй­рық­та­рын бү­ге-ші­ге­сі­не дейін бұл­жыт­пай, ай­на-қа­те­сіз орын­дай­ды. Олар еш­қа­шан кү­нә­нің кі­ші­сін де, үл­ке­нін де жа­са­май­ды. Бар­лық кү­нә атау­лы­дан қор­ғал­ған. Қасиетті құ­ран­да: 

«Оның жанындағылар (періштелер) Ұлы Жаратушыларына ғибадат жасаудан бас тартып, паңданбайды және құлшылық жасаудан шаршамайды. Олар жалығып, шаршамастан күндіз-түні Алланы (күллі кемшілік атаулыдан пәктеп) тәсбих етеді», «Періштелер Алланың бұй­ыр­ған нәр­се­ле­рі­не қар­сы шық­пай­ды жә­не не бұйы­рыл­са со­ны қалт­қы­сыз орын­дай­ды», – де­лі­не­ді.

Періштелердің болмысына қарай түрлі міндеттері бар.

Алла Тағала тарапынан періштелерге берілген қызметтерін құран аяттары мен Пайғамбар хадисіне негіздеп былай бөлуге болады:

1. Алла Тағаланы күндіз-түні күллі кемшілік атаулыдан пәктеп, Оған мадақтар мен мақтаулар айтады
2. Алланың таңдаулы болған Пайғамбарларына уахи жеткізеді
3. Пайғамбарларға салауат пен сәлемдер жолдап, бүкіл адамдарға дүние тіршілігінде жақсы тілекте болады
4. Пайғамбарлар мен мүміндерге рухани күш беріп, қиналған шақтарында рахатқа бөлейді.
5. Адамдарға қорған болып, олардың әр іс-әрекетінде қызметші болады
6. Адамдардың амалдарын жазып, сақтап қояды
7. Аспан әлеміндегі орын алып жатқан жүйелі әрекеттерді қадағалап, бақылайды
8. Адамзаттың жаратылуы мен өліміне қатысты жұмыстарды атқарады
9. Алланың әмірімен адамдарға қамқоршы ретінде қызмет етеді