Орталық «Мәшһүр Жүсіп» мешіті Павлодар қаласы әкімдігімен бірлесіп ҚМДБ «Зекет» корпоративтік қайырымдылық қоры және Павлодардағы «Әбу Бәкір Сыддық» медресесіне дене шынықтыру-спорт залын салу туралы жарнамалаған билбордтарды Павлодар қаласының Естай және Пахомов көшелерінің қиылысына 2 жерге орналастырды.
Зекет туралы билбордта «Мал дүниеңізге Алла Тағала берекет берсін!» деп жазылып, зекетке қатысты сұрақтар болса Қайырбаев-107 –де орналасқан орталық «Мәшһүр Жүсіп» мешітіне хабарласуды ескертіп, «Зекет» қорының вебсайты және байланыс нөмірлері көрсетілген.
Ал «Әбу Бәкір Сыддық» медресесі туралы билбордта аталмыш мекеменің ғимараттары бейнеленіп: «Ұрпақтарымызды имандылыққа тәрбиелеп жатқан медресемізге көмек көрсетейік!»: «Болашақ спорт залы-осы жерге қадасы қағылды»-деп жазылып байланыс нөмірлері, мекенжайы жазылған.
Амантай ТОЙШЫБАЙҰЛЫ