Шымкентте Мұхаммад Садық атындағы мешіт ашылды (ФОТО)
Шымкентте Мұхаммад Садық атындағы мешіт ашылды (ФОТО)
29.05.2015 10:31
1191
0
www.ummet.kz

Кеше Шымкент қаласының Абай ауданында шейх Мұхаммад Садық (р.а) құрметіне арналған жаңа мешіттің тұсауы кесілді.

Жергілікті тұрғындардың бастамалары мен олардың ақшалай көмек көрсетуі құрылыстың бой көтеруі мен жаңа мешіт атауының таңдалуына себепші болды. Құрылыстың салыну ұсынысы Қазақстан Республикасы Діни істер басқармасы тарапынан мақұлданып, Мұсылман халықтары арасындағы достастық пен бауырластықты білдіру ретінде Шейхтің құрметі мен оның мол мұрасына арналды. 

Мешіт ғимараты 1000 адамға арналған.  Құлшылық үйінің салтанатты ашылу рәсіміне Өзбекстан мемлекетінен арнайы делегация шақырылып, олардың құрамында Мұхаммад Садық (р.а.)баласы - Исмаил Мұхаммад Юсуф болды. Ұлағатты ұстаздың ұлы барлық қазақстандықтарға алғысын білдіріп, Орта Азияда әкесінің құрметіне аталған Қазақстандағы жалғыс мешіт екендігін ерекше атап өтті. 

Еске сала кетсек, Мухаммад Содык (р.а.) 2015-жылы наурыздың 10-ы күні дүние салды. Кеңес кезінен бастап Орта Азия мен Қазақстанда мүфти қызметін атқарып, кейінен өмірінің соңғы жылдарын Өзбекстанда өткізіп, дін исламның дамуы үшін аянбай еңбек етті. Исламның дамуы мен сақталуына үлесін қосқан ғалымның қасиетті құранның түсіндірмесі мен талдауына арналған - «Тафсир Хилал», «Хадисы и жизнь» топтамасы, фикх пен оның методологиясының негіздеріне арналған «Иман. Ислам. Куръан», «Усулул фикх»  және т.б. орыс тіліне аударылған еңбектері бар.

 

0 пікір