ПАВЛОДАРДА ИМАМ МАТУРИДИДІҢ ЕҢБЕКТЕРІНЕ АРНАЛҒАН ХАЛЫҚАРАЛЫҚ СЕМИНАР ӨТТІ
ПАВЛОДАРДА ИМАМ МАТУРИДИДІҢ ЕҢБЕКТЕРІНЕ АРНАЛҒАН ХАЛЫҚАРАЛЫҚ СЕМИНАР ӨТТІ
02.12.2020 18:23
1471
0

Павлодар облысы ақпарат және қоғамдық даму басқармасының Конфессияаралық қатынастарды талдау және дамыту орталығы «Имам Матуриди – ахли сунна уал жамағатының негізін қалаушы»тақырыбында халықаралық семинар өткізді.

Онлайн-семинардың мақсаты: Ахли сунна уа жамағат жолын  қазақтар ғасырлар бойы ұстанатын наным-сенімдер тұрғысынан түсіндіру және сипаттау. Орта Азия мен Қазақстандағы ислам діні жүйесінің негізін қалаушы Имам Матуридидің еңбектерін насихаттау. Біртұтас рухани қоғамды қалыптастыру, иманды, құдайдан қорқуды нығайту, қоғамда толеранттылық пен зайырлылық қағидаттарын сақтау; жастардың діни көзқарастарының радикалдануының алдын алу.

Онлайн-семинар барысында Алматы қаласы«Байкен»мешітінің бас имамы, РАНТ мүшесі, теолог Қабылбек Жұмабеков ӘбуХанифа мазхабының негіздері, шариғат мәселелері бойынша мектеп қандай білімге сүйенеді, өзінің дәлелді базасында қандай дереккөздерді пайдаланады деген ойларымен бөлісті.

Египет университетінің шейхі, акида имам Матуридижәне Имам әл-Ашари тақырыбындағы ғылыми жұмыстың авторы Әл-АзхарХамдулла Ассофти Имам Матуриди мектебінің негіздері, оның басқа мектептерден айырмашылығы туралы айтты. 

Шымкент қаласы орталық мешітінің наиб имамы, РАНТ мүшесі Еркебұлан Қарақұлов Ахли сунна уал жамағатының шығу тарихы, осы бағыттың басқа діндерден айырмашылығы туралы айтып берді.

Павлодар облысының бас имамы, теолог Жолдас қажы Қоспақовтың айтуынша, мұндай оқыту кездесулерін өткізу жергілікті жерлерде дін мәселелері бойынша АТТ мүшелерінің кәсіби құзыреттілігін арттыруға ықпал етеді, дін саласындағы ақпараттық-түсіндіру жұмысының тиімділігі мен нәтижелілігін айтарлықтай жақсартады. «Жоғары білікті мамандардан алынған жауаптарды имамдар деструктивті ағымдарды ұстанушылармен жұмыс жаса барысында қолдана алады», - деп атап өтті Жолдас қажы.

Үш сағаттан астам уақытқа созылған  зум-конференцияға Қазақстанның түкпір-түкпірінен 70-тен астам имамдар мен теологтар, дін мәселелері жөніндегі ақпараттық-түсіндіру топтарының мүшелері қатысты.

 

0 пікір