Н.Назарбаев Р.Ердоғанға Суруч қаласында болған террорлық актіге байланысты көңіл айтты
Н.Назарбаев Р.Ердоғанға Суруч қаласында болған террорлық актіге байланысты көңіл айтты
24.07.2015 10:23
1133
0
Қазақстан Президенті Нұрсұлтан Назарбаев Түрік Республикасының Президенті Реджеп Ердоғанға Суруч қаласында болған террорлық актіге байланысты көңіл айту жеделхатын жолдады, деп хабарлайды Ақорданың баспасөз қызметі.

Жеделхатта Мемлекет басшысының қайғылы оқиға салдарынан ондаған жазықсыз жанның қаза тапқаны және жүзден астам адамның жарақаттанғаны туралы хабарды зор күйзеліспен қабылдағаны атап өтілген.

Қазақстан Президенті терроризмнің бүгінгі таңда адамзатқа ортақ қауіп-қатерге айналып отырғанына да тоқталған. Нұрсұлтан Назарбаев террорлық әрекеттің ұйымдастырушылары мен орындаушылары анықталып, қатаң жазаға тартылатынына сенімді екенін жеткізген.

Жеделхат соңында Мемлекет басшысы бүкіл қазақстандықтардың және жеке өзінің атынан қаза болғандардың туған-туыстары мен жақындарына, сондай-ақ барша Түркия халқына көңіл айтып, жараланғандардың тез сауығып кетуіне тілектестік білдірген.

0 пікір