ЖАҢА ИМАМ ШАЛҒАЙДАҒЫ ШАЛДАЙДА БОЛДЫ
Жуырда ғана тағайындалған Шарбақты ауданының бас имамы Ақжол Исабекұлы шалғайдағы Шалдай ауылына барды. Онда ауыл халқы жиналып Мәуліт мерекесіне орай ас берді. Халықпен танысып, Құран оқып Пайғамбарымыз ( с.а.с)-ға салауаттар айтып, дұға жасап, осы ауылда жаңа ашылған мешіттің бастап жатқан іс-қызметімен танысып, жиналған жамағатқа имандылық тақырыбында уағыз-насихаттар айтылды.
Сонымен қатар ауыл халқына жуырдағы үшінші Республикалық имамдар форумы, онда қабылданған басты үш құжат туралы мәліметтер айтылып, мешіт пен жамағаттың міндеттері түсіндірілді.