Облыстық орталық «Мәшһүр Жүсіп» мешітінде Еуразия Ұлттық университеті Дінтану кафедрасының доценті, филология ғылымдарының кандидаты, Құрантанушы, арабтанушы ғалым, халықаралық дәрежедегі коуч-тренер (ICU) Айнұр Әбдірәсілқызы қалалық мешіттердің әйел жамағатымен кездесу өткізді. Кездесуге облыстық «Нұр-Ана» қоғамдық бірлестігінің мүшелері де келіп қатысты.
Айнұр Әбдірәсілқызы кездесуге жиналғандарға зайырлы мемлекет қағидаттары мен заңнамаларын, дәстүрлі емес діни ағымдардың залалын, радикалды идеологияның зардаптары мен оларға елітудің салдарларын талдап-түсіндірді. Сонымен қатар бүгінде ақпараттық-түсіндіру бағытында нақты жұмыстары жүргізіліп отырғанын талдап айта келе, жат ағымның арбауынан сақтану, дәстүрлі дініміздің толық танып түсіну бағытында мол мағлұматтар берді.