АҚШ-та миы өлген әйел дені сау бала туды
АҚШ-та миы өлген әйел дені сау бала туды
06.05.2015 10:40
1862
0

АҚШ-та адам айтса, нанғысыз жағдай болды. Небраска штатында миы өлген әйел дені сау баланы өмірге әкелді деп хабарлайды 7 арна.

Британиялық Mirror басылымының мәліметінше, екінші рет құрсақ көтерген Карла Перес кенеттен көп қан жоғалтып, ауруханаға жатқызылады. Алайда дәрігерлер оны ажалдан арашалап қала алмайды.

22 жастағы келіншектің миы тіршілігін тоқтатып, жан тапсырған. Бірақ іштегі сәбидің өмірін сақтап қалуға бар күшін салған ақ халаттылар кеудесінде жүрегі соғып тұрған әйелді арнайы апаратқа қосады.

Миы өлген келіншек мұндай күйде 54 күн жатады. Сөйтіп сәуірдің 4-де балаға 7 ай толып, жетілгенде ота жасалып, салмағы 970 грамм ұл дүниеге келген.

0 пікір